KRG AUSTRALIA

English

گشت هەواڵەکان

جۆری بابەتەکان

پڕۆژەیەکی ستراتیژی لە زاخۆ هاتوچۆی هاووڵاتییان ئاسانتر دەکات

پڕۆژەیەکی-ستراتیژی-لە-زاخۆ-هاتوچۆی-هاووڵاتییان-ئاسانتر-دەکات

پڕۆژەیەکی ستراتیژی لە زاخۆ هاتوچۆی هاووڵاتییان ئاسانتر دەکات

پڕۆژەی نۆژەنکردنەوە و ڕێکخستنی شەقامەکانی دەروربەری پردی دەلال لە زاخۆ، گەیشتووەتە قۆناخی کۆتاییی کارەکانی و تا ئێستا ٩٥٪ـی کارەکانی تەواو بووە.

هێژا محەمەد، جێگری سەرپەرشتیاری ئیدارەی سەربەخۆی زاخۆ، بە پێگەی فەرمیی حکومەتی هەرێمی کوردستانی ڕاگەیاند: “پڕۆژەکە چەندین بەش لەخۆ دەگرێت و کۆی گشتیی گوژمەکەشی شەش ملیار و ١٠٠ ملیۆن دینارە و کارکردن تێیدا بەردەوامە”.

جێگری سەرپەرشتیاری ئیدارەی سەربەخۆی زاخۆ، لەبارەی بەشە تەواوبووەکانی پڕۆژەکەوە گوتی: “شەقامێکی دووسایدی ٣٠ مەترییە، بە درێژایی ٢٢٠٠ مەتر، بۆڕی ئاوەڕۆ بەدرێژایی ١١٠٠ مەتر، ئاوەڕۆی سندووقی بەدرێژایی ٦٥٠ مەتر، کۆنکرێتکردن بە درێژایی ٧٠٠ مەتر و دانانی شۆستەکان بە شتایگەر بەدرێژایی شەش هەزار مەتر”.

لە پڕۆسەی قیرتاوکردنی شەقامەکە، ٦٩ هەزار مەتر دووجا قیر بەکارهێنراوە و ١٣٢ ستوونی کارەباش بۆ ڕووناککردنەوەی شەقامەکە جێگیر کراون. لەبارەی جوانکاریی شەقامەکەوە، هێژا محەممەد گوتی: “هێڵکاریی تەواو بۆ شەقامەکە کراوە، دانانی هێماکانی هاتووچۆ و سەوزکردنی نێوان و دەوروبەری شەقامەکە ماوە”.

ئەم پڕۆژەیە، پڕۆژەیەکی گرنگی کابینەی نۆیەمی حکومەتی هەرێمی کوردستانە و لەپێناو ئاسانکاریی هاتووچۆکردنی هاووڵاتییان جێبەجێ کراوە.

فەرمانگەی میدیا و زانیاری
٢٦ـی ئاداری ٢٠٢٣

error: Content is protected !!
Scroll to Top