کابینەی نۆیەم بە ئاسانکاری لە دروستکردنی مزگەوت و پەرستگەکان پشتیوانیی ئازادیی ئایینی کردووە
![](https://usercontent.one/wp/www.krgaustralia.net/wp-content/uploads/2024/02/localimages/-D9-88-DB-95-D8-B2-D8-A7-D8-B1-DB-95-D8-AA-DB-8C_-D8-A6-DB-95-D9-88-D9-82-D8-A7-D9-81_-D9-88_-DA-A9-D8-A7-D8-B1-D9-88-D8-A8-D8-A7-D8-B1-DB-8C_-D8-A6-D8-A7-DB-8C-DB-8C-D9-86-DB-8C-1400.jpg?media=1678916050?anchor=center&mode=crop&width=1200&height=630&rnd=133141837980000000)
حکومەتی هەرێمی کوردستان، پشتیوانی لە ئازادییە ئایینیەکان دەکات و بۆ ئەو مەبەستەش، وەزارەتی ئەوقاف و کاروباری ئایینی، ئاسانکاریی زۆری پێشکەش بەو لایەن و خێرخوازانە کردووە کە مزگەوت و پەرستگە ئایینیەکانیان دروست کردووە.
نەبەز ئیسماعیل کەمال، گوتەبێژی وەزارەتی ئەوقاف و کاروباری ئایینی، لەمبارەیەوە بە فەرمانگەی میدیا و زانیاریی ڕاگەیاند: “دروستکردنی مزگەوت و پەرستگەکان لە کوردستان، پەیوەندی بەو ئاسانکارییانەوە هەیە کە حکومەت لە ئاستی جیاجیادا پێشکەشی دەکات و زەمینەی بۆ خۆش دەکات”.
گوتیشی: “حکومەت سەداسەد زەوی بۆ پرۆژەکانی دروستکردنی مزگەوت و حوجرە و فێرگە ئایینییەکان دابین دەکات و لە بەرانبەردا هیچ بڕەپارەیەک وەرناگرێت. کە لەوانەیە نرخی هەر زەوییەک چەندبەرابەری نرخی تێچووی دروستکردنەکە بێت؛ لەلایەکی ترەوە خزمەتگوزارییەکانی ئاو و کارەبا و ژینگە دابین دەکات، جگە لە دامەزراندنی مامۆستای ئایینی و خزمەتگوزار لەلایەن حکومەتەوە بۆ مزگەوتەکان کە لە بەڕێوەبردنییان ڕۆڵی گرنگ دەگێڕن”.
گوتیشی: ” ئاسانکاریی یاسایی و ئیداری لە مامەڵەی دروستکردنی مزگەوت و حوجرە و پەرستگە ئایینییەکانی دیکە لەناو دامودەزگاکاندا دەکرێت، جگە ئاسانکاری لە داشکاندن و مامەڵەکردن لە هێنانی کەلوپەل و کەرەستەکان لە دەروازە سنوورییەکان بۆ مەبەستی دروستکردنیان”.
بەپێی دوازانیاریی وەزارەتی ئەوقاف و کاروباری ئایینی، لە ماوەی کابینەی نۆیەمدا ٤٠٨ مزگەوتی نوێ لە کوردستان دروست کراون، کە بە هۆی زەمینەخۆشکردنی حکومەتەوە هاتووەتە ئاراوە.
فەرمانگەی میدیا و زانیاری