ڕوونكردنەوەیەك لە فەرمانگەی میدیا و زانیارییەوە
![](https://usercontent.one/wp/www.krgaustralia.net/wp-content/uploads/2024/06/localimages/-D9-81-DB-95-D8-B1-D9-85-D8-A7-D9-86-DA-AF-DB-95-DB-8C--D9-85-DB-8C-D8-AF-DB-8C-D8-A7--D9-88--D8-B2-D8-A7-D9-86-DB-8C-D8-A7-D8-B1-DB-8C.jpg?media=1678916050?anchor=center&mode=crop&width=1200&height=630&rnd=133171236330000000)
كەناڵی (ئێن ئاڕ تی) هەواڵێکی بڵاو کردووەتەوە، گوایە “سەرۆكی حكومەتی هەرێمی كوردستان سکاڵای لەسەر کەناڵەکە و پەیامنێرەکەیان تۆمارکردووه”.
لێرەدا ڕایدەگەیەنین کە سکاڵاکە هیچ پەیوەندی بە سەرۆکی حکومەتەوە نییە و هی وەزارەتی دارایی و ئابوورییە، لەسەر هەواڵيکی بێ بنەما و ناڕاست کە کەناڵەکە بڵاوی کردووەتەوە، گوایە بانکی منارە لە هەولێر 960 ملیار دیناری تێدایە و بۆ مووچە بەکار نایەت، بۆیە وەزیری دارایی و ئابووری داوای تۆمار کردووە و پەیامنێرەکەش هەر دوێنێ بە کەفالەت ئازاد کراوە.
پێویستە ئەو كەناڵە لەسەر بنەمای پیشەییبوون و پابەندبوون بە ڕێساكانی كاری میدیایی، خۆی لەو جۆرە هەواڵانە بەدوور بگرێت و بەر لە بڵاوکردنەوە، لە ناوەرۆکی پەیامەكانی دڵنیابێتەوە.
فەرمانگەی میدیا و زانیاری
2026/6/11