پەیامێک لە سەرۆکی حکومەتی هەرێمی کوردستانەوە
![](https://usercontent.one/wp/www.krgaustralia.net/wp-content/uploads/2023/04/localimages/d63178ba-8880-406d-9aa7-5c36a19acc5e.jpeg6442dc02b2162.jpeg?media=1678916050?anchor=center&mode=crop&width=1200&height=630&rnd=133216607530000000)
هێرشی ئەمڕۆی سەر گوندی پەلکانەی ڕۆژئاوای کەرکووک ، هەوڵێکی نەزۆکە بو تێکدانی ئەو کەشە ئەرێنییەی لە گەڵ سەرۆک وەزیرانی فیدرال خەریکین دروستی دەکەین بۆ ئاشتەوایی و چارەسەریی کێشەکان و هەنگاونان بەرەو سەقامگیری.
پەلاماردانی کوردانی پەلکانە و هەوڵی گۆڕینی دیموگرافی ناوچەکە لە ڕێگەی ترس و تۆقاندن سەرکۆنە دەکەین و داکوکی لە سەر جێبەجێکردنی مادەی 140 ی دەستوور دەکەینەوە لە پێناو چارەسەرکردنی بنەڕەتی کێشە هەڵپەسێردراوەکان و نەهێشتنی ئاڵوزی لەو ناوچانە و ڕەخساندنی زەمینەیەکی لەبار بۆ گەشەسەندنی هەرێمی کوردستان و ناوچەکانی دیکەی عێراق.
مەسرور بارزانی
سەرۆکی حکومەتی هەرێمی کوردستان
2023/4/21