نەخۆشخانەی کۆنی قەڵادزێ نۆژەن دەکرێتەوە
![](https://usercontent.one/wp/www.krgaustralia.net/wp-content/uploads/2023/06/localimages/untitled-wwww.jpg6498a3e6dcfa8.jpg?center=0.49367088607594939%2C0.49367088607594939&media=1678916050&mode=crop&width=1200&height=630&rnd=133313978320000000)
لە چوارچێوەی گرنگیدانی حکومەتی هەرێمی کوردستان بە کەرتی تەندروستی و دابینکردنی خزمەتگوزاریی زیاتر بۆ هاووڵاتییان و دانیشتووانی ئیدارەی سەربەخۆی ڕاپەرین، ڕەزامەندیی درا لەسەر نۆژەنکردنەوەی نەخۆشخانەی کۆنی قەڵادزێ.
مەسرور بارزانی، سەرۆکی حکومەتی هەرێمی کوردستان ڕەزامەندیی دا لەسەر خەرجکردنی ملیارێک و 607 ملیۆن دینار بۆ نۆژەنکردنەوەی نەخۆشخانەی کۆنی قەڵادزێ و گونجاندنی بۆ نەخۆشخانەی منداڵان و لەدایکبوون.
ئەو گوژمەیە لەسەر بودجەی ئاسایی بەڕێوەبەرایەتیی گشتیی ڕاپەرین کە سەر بە وەزارەتی تەندروستیی حکومەتی هەرێمی کوردستانە خەرج دەکرێت.
فەرمانگەی میدیا و زانیاری