سەرۆکی دیوانی ئەنجومەنی وەزیران لەگەڵ جێگری کونسولی گشتی ئەمریکا لە ھەولێر کۆدەبێتەوە
![](https://usercontent.one/wp/www.krgaustralia.net/wp-content/uploads/2022/12/localimages/img-20221208-wa0005.jpg63924bf1b93cb.jpg?media=1678916050?anchor=center&mode=crop&width=1200&height=630&rnd=133149849010000000)
هەولێر، هەرێمی کوردستان (GOV.KRD)- ڕۆژی پێنجشەممە ٨ـی کانوونی یەکەمی ٢٠٢٢، د. ئومێد سەباح، سەرۆکی دیوانی ئەنجومەنی وەزیران، پێشوازی لە زەھرە بیل، جێگری کونسوڵی گشتی ئەمریکا لە ھەولێر و شاندی یاوەری کرد.
لە دیدارەکەدا بیروڕا لەبارەی پەرەسەندنی گفتوگۆکانی نێوان ھەرێم و بەغدا، ھەروەھا لێکتێگەیشتنی نێوان حکومەتی ھەرێمی کوردستان و ویلایەتە یەکگرتووەکانی ئەمریکا ئاڵوگۆڕکران ،بەردەوامی ھەماھەنگی و پەیوەندییەکانی نێوان ھەرێمی کوردستان و ئەمریکا بەرز نرخێنرا.
لە کۆبوونەوەکەدا سەرۆکی دیوانی ئەنجومەنی وەزیران، سوپاسی ھەماھەنگی بەردەوامی و پەیوەندی نێوان ھەرێمی کوردستان و ئەمریکا و ھاوکاریەکانیان بۆ حکومەتی ھەرێمی کوردستان کرد، جەختی لەوە کردەوە کە کابینەی نۆیەمی حکومەتی ھەرێمی کوردستان بەردەوام دەبێت لە پڕۆسەی چاکسازی و بە سیستەمکرنی دامەزراوەکانی حکومەتی ھەرێمی کوردستان.