سەرۆکی حکومەت نامەیەکی لە سەرۆک وەزیرانی شانشینی یەکگرتوو پێدەگات
![](https://usercontent.one/wp/www.krgaustralia.net/wp-content/uploads/2022/10/localimages/whatsapp-image-2022-10-03-at-21514-pm.jpeg633ae755978ad.jpeg?media=1678916050?anchor=center&mode=crop&width=1200&height=630&rnd=133092694260000000)
لیز ترەس:
* ئێمە بەهای هاوبەشمان هەیە و پابەندین بە پاراستنی ئاسایش و سەقامگیریی هەرێمی کوردستان
هەولێر، هەرێمی کوردستان (GOV.KRD)- سەرۆکی حکومەتی هەرێمی کوردستان مەسرور بارزانی، نامەیەکی لە سەرۆک وەزیرانی شانشینی یەکگرتوو لیز ترەس پێگەیشت .
سەرۆک وەزیرانی شانشینی یەکگرتوو، لە نامەکەیدا ئاماژەی بە
سەردانی سەرۆکی حکومەت بۆ بەریتانیا کردووە لە مانگی چواری ئەمساڵ و دەڵێت ” زۆر خۆشحاڵبووم کە لە مانگی نیسانی ئەمساڵ، لە لەندەن پێشوازیمان لە بەڕێزتان کرد و هیوادارم سەردانەکە بەرهەمدار بووبێت“.
سەرۆک وەزیرانی شانشینی یەکگرتوو، باس لە پەیوەندی مێژوویی نێوان هەرێمی کوردستان و شانشینی یەکگرتوو دەکات و دەڵێت : “خۆشحاڵم کە پەیوەندیی مێژوویی نێوان هەردوولامان، ئەمڕۆ لە هەموو کاتێک زیاتر بەهێزترە” .
ليز ترەس هەروەها لە نامەکەیدا دەەڵێت” ئێمە بەهای هاوبەشمان هەیە و پابەندین بە پاراستنی ئاسایش و سەقامگیریی هەرێمی کوردستان وەک بە شێک لە عێراقێکی بەهێز و یەکگرتوو و بەردەوام دەبین لەوەی لە نزیکەوە، بەیەکەوە کاربکەین بۆ ڕووبەڕووبوونەوەی تیرۆر“.
سەرۆک وەزیرانی شانشینی یەکگرتوو، لە کۆتاییدا نامەکەیدا بۆ سەرۆکی حکومەتی هەرێمی کوردستان نووسیویەتی : ئومێدەوارم بەیەکەوە کاربکەین لە پێناو بەهێزترکردنی پەیوەندییەکانمان .