سەرۆکی حکومەت زیاتر لە ٧ ملیار دینار بۆ پاڵپشتی قوتابییانی زانکۆ و پەیمانگاکان خەرج دەکات
![](https://usercontent.one/wp/www.krgaustralia.net/wp-content/uploads/2023/06/localimages/untitled-wwww.jpg6498a3ea7e857.jpg?center=0.49367088607594939%2C0.49367088607594939&media=1678916050&mode=crop&width=1200&height=630&rnd=133313978320000000)
مەسرور بارزانی، سەرۆکی حکومەتی هەرێمی کوردستان، ڕەزامەندیی دا لەسەر خەرجکردنی زیاتر لە ٧ ملیار دینار بۆ پاڵپشتیکردنی قوتابییان و خوێندکارانی زانکۆ و پەیمانگاکان.
لە چوارچێوەی گرنگیدانی کابینەی نۆیەمی حکومەتی هەرێمی کوردستان بە کەرتی خوێندن و پاڵپشتی بۆ قوتابییان و خوێندکارانی زانکۆ و پەیمانگاکانی هەرێمی کوردستان مەسرور بارزانی، سەرۆکی حکومەتی هەرێمی کوردستان، ڕەزامەندیی دا لەسەر بەردەوامبوونی خەرجکردنی بڕی ٧ ملیار و ٢٥٠ ملیۆن دیناری مانگانە بۆ قوتابییان و خوێندکاران.
هەروەها بەشێکی ئەو پارەیە بۆ دابینکردنی خزمەتگوزاری لە بەشە ناوخۆییەکان بۆ ساڵی خوێندنی (٢٠٢٣-٢٠٢٤) هاوشێوەی ساڵی خوێندنی (٢٠٢٢-٢٠٢٣) لەسەر بودجەی زانکۆ و پەیمانگاکان خەرج دەکرێت.
فەرمانگەی میدیا و زانیاری