سەرۆکی حکومەتی هەرێم پیرۆزبایی لە قوتابییە یەکەم و دووەم و سێیەمەکانی خوێندنی کوردی لە کەرکووک دەکات
![](https://usercontent.one/wp/www.krgaustralia.net/wp-content/uploads/2023/08/localimages/img-20230811-wa0000.jpg?center=0.42692307692307691%2C0.44245524296675193&media=1678916050&mode=crop&width=1200&height=630&rnd=133362626440000000)
ئەمڕۆ هەینی ١١ی ئابی ٢٠٢٣، مەسرور بارزانی، سەرۆکی حکومەتی هەرێمی کوردستان لە رێگەی ئالان حمەسەعید، وەزیری پەروەردەی حکومەتی هەرێمی کوردستانەوە پەیامی پیرۆزبایی خۆی گەیاندە قوتابییە یەکەم و دووەم و سێیەمەکانی بەشی وێژەیی و زانسی خوێندنی کوردی لە کەرکووک.
ئالان حمەسەعید، وەزیری پەروەردەی حکومەتی هەرێمی کوردستان رایگەیاند:” لە رێگەی تەلەفۆنەوە پەیامی مەسرور بارزانی، سەرۆکی حکومەتی هەرێمی کوردستانمان گەیاندە قوتابیە یەکەم و دووەم و سێیەمی بەشەکانی زانستی و وێژەیی خوێندنی کوردی لە کەرکوک.”
ئالان حمەسەعید گوتیشی :”پیرۆزبایی لە هەموو دەرچووان دەکەین، بە هیوای ئەنجامی باشتر بۆ ئەو قوتابی و خوێندکارانەی لە خولی دووەم تاقیکردنەوە دەدەنەوە.”
فەرمانگەی میدیا و زانیاری