سەرۆکی حکومەتی هەرێمی کوردستان پەیامێکی هاوخەمی بۆ شا عەبدوڵڵای دووەم دەنێرێت
![](https://usercontent.one/wp/www.krgaustralia.net/wp-content/uploads/2022/06/localimages/prime_minister_masrour_barzani_speech.jpeg62bb068dd37b6.jpeg?media=1678916050?anchor=center&mode=crop&width=1200&height=630&rnd=132719634010000000)
هەولێر، هەرێمی کوردستان، عێراق (GOV.KRD)- ئەمڕۆ سێشەممە 28 حوزەیران، مەسرور بارزانی سەرۆکی حکومەتی هەرێمی کوردستان پەیامێکی پرسە و هاوخەمی بۆ شاعەبدوڵڵای دووەم شای شانشینی ئوردنی هاشمی نارد بۆ ڕووداوی بەندەری عەقەبە کە بووە هۆی گیان لەدەستدان و برینداربوونی دەیان کەس.
لە پەیامەکەیدا سەرۆکی حکومەت سەرەخۆشی لە بنەماڵە و کەسوکاری قوربانییانی ڕووداوەکە و گەلی ئوردن کرد و هیوای چاکبوونەوەی خێراشی بۆ بریندارەکان خواست .
لە بەرامبەردا شاعەبدوڵڵای دووەم ، سوپاس وپێزانینی خۆی وگەلی ئوردنی بۆ سەرەخۆشی و هاوخەمی سەرۆکی حکومەت دەربڕی.