سەرۆکی حکومەتی هەرێمی کوردستان لە گەڵ وەزیری پەروەردەی بەریتانیا کۆدەبێتەوە

هەولێر، هەرێمی کوردستان، عێراق (GOV.KRD)- ئەمڕۆ سێشەممە 19 ی نیسانی 2022 مەسرور بارزانی سەرۆکی حکومەتی هەرێمی کوردستان، لە گەڵ نەدیم زەهاوی وەزیری پەروەردەی بەریتانیا کۆبووەوە.
لە دیدارەکەدا گفتوگۆ دەربارەی پرۆسەی خوێندن و فێرکردن و گرنگیی پرۆسەی پەروەردە و خوێندن لە پێشخستنی کۆمەڵگەدا کرا و جەخت لە سوود وەرگرتن لە ئەزموونی بەریتانیا و پشتگیریکردنی پرۆسەی چاکسازی لە بواری خوێندن وپەروەردەی هەرێمی کوردستان بە ئاراستەی باشترکردنی کوالیتی خوێندن و بەرزکردنەوەی ئاستی زانستی زانکۆکانی هەرێمی کوردستان کرا.