سەرۆکی حکومەتی هەرێمی کوردستان لە گەڵ وەزیری کاروباری وزە و بازرگانی بەریتانیا کۆبووەوە
![](https://usercontent.one/wp/www.krgaustralia.net/wp-content/uploads/2022/04/localimages/img_9116-1400.jpg625ee67e5584f.jpg?media=1678916050?anchor=center&mode=crop&width=1200&height=630&rnd=132948549900000000)
هەولێر، هەرێمی کوردستان، عێراق (GOV.KRD)- ئەمڕۆ سێشەممە 19ی نیسانی 2022 مەسرور بارزانی سەرۆکی حکومەتی هەرێمی کوردستان ، لە چوارچێوەی سەردانەکەیدا بۆ بەریتانیا، لەگەڵ کواسی کوارتینگ وەزیری کاروباری وزە و بازرگانی بەریتانیا کۆبووەوە.
لە دیدارەکەدا، پەرەپێدانی پەیوەندی دوولایەنە بە تایبەتی لە بواری وزە و بازرگانی تاووتوێ کرا. جەخت لە گرنگیی چاکسازیکردن لە سیسمی بانکی هەرێمی کوردستان و بەرەوپێشبردنی کەرتی وزە و سوود وەرگرتن لە توانا و شارەزایی کۆمپانیا بەریتانییەکان لە بواری کەرتی بانکی و وزە بەتایبەتی وزەی پاک و خاوێن و سنووردانان بۆ پیسبوونی هەوا کرا.