سەرۆکی حکومەتی هەرێمی کوردستان لە گەڵ وەزیری دەوڵەتی بەریتانیا بۆ کاروباری بەرگری کۆبووەوە
![](https://usercontent.one/wp/www.krgaustralia.net/wp-content/uploads/2022/04/localimages/img_9180-1400.jpg62609aa5e4d90.jpg?media=1678916050?anchor=center&mode=crop&width=1200&height=630&rnd=132949413760000000)
هەولێر، هەرێمی کوردستان، عێراق (GOV.KRD)- ئەمڕۆ چوارشەممە 20ی نیسانی 2022 مەسرور بارزانی سەرۆکی حکومەتی هەرێمی کوردستان، لە گەڵ جێرەمی کوین وەزیری دەوڵەتی بەریتانیا بۆ کاروباری بەرگری کۆبووەوە.
لە کۆبوونەوەکەدا گفتوگۆ دەربارەی پەرەپێدانی پەیوەندیی و هەماهەنگیی نێوان هەرێمی کوردستان و بەریتانیا کرا.
وەزیری دەوڵەتی بەریتانیا بۆ کاروباری بەرگری، ستایشی چاکسازییەکانی وەزارەتی پێشمەرگەی کرد و ئامادەیی وڵاتەکەشی بۆ درێژەدان بە پشتیوانیکردنی پێشمەرگە لە ڕووبەڕووبوونەوەی تیرۆر دەربڕی.
سەرۆکی حکومەت وێڕای سوپاسکردنی بەریتانیا بۆ پشتگیریکردنی هەرێمی کوردستان، ئاماژەی بە گرنگیی بەردەوامبوونی هەماهەنگیی لە گەڵ بەریتانیا و هاوپەیمانیی نێودەوڵەتی کرد لە پێناو بەرەنگاربوونەوەی تیرۆر و ئاسایش وسەقامگیریی عێراق و ناوچەکەدا .