سەرۆکی حکومەتی هەرێمی كوردستان لە گەڵ وەزیری ئابووری ئیمارات کۆدەبێتەوە

هەولێر، هەرێمی کوردستان، عێراق (GOV.KRD)- ئەمڕۆ سێشەممە 29ی ئاداری 2022 مەسرور بارزانی سەرۆکی حکومەتی هەرێمی کوردستان لە پەراوێزی لوتکەی جیهانیی حکومەتەکان لە دوبەی، لەگەڵ عەبدوڵڵا بن تۆق وەزیری ئابووری دەوڵەتی ئیمارات کۆبووەوە.
لە کۆبوونەوەکەدا کە قوباد تاڵەبانی جێگری سەرۆکی حکومەت ئامادەی بوو، گفتوگۆ دەربارەی پەرەپێدانی پەیوەندییەکانی هەرێمی کوردستان و ئیمارات کرا بەتایبەتی سوود وەرگرتن لە ئەزموونی سەرکەوتووی ئیمارات لە بواری وەبەرهێنان و ئاوەدانکردنەوە و سیستەمی بانکیدا.