KRG AUSTRALIA

English

گشت هەواڵەکان

جۆری بابەتەکان

سەرۆكی فەرمانگەی میدیا و زانیاری سەردانی وەزارەتی شارەوانی و گەشتوگوزاری کرد

سەرۆكی-فەرمانگەی-میدیا-و-زانیاری-سەردانی-وەزارەتی-شارەوانی-و-گەشتوگوزاری-کرد

سەرۆكی فەرمانگەی میدیا و زانیاری سەردانی وەزارەتی شارەوانی و گەشتوگوزاری کرد

ڕۆژی دووشەممە، ٢٣ـی تشرینی یەکەمی ٢٠٢٣، د.جوتیار عادل، سەرۆكی فەرمانگەی میدیا و زانیاری، سەردانی وەزارەتی شاروانی و گەشتوگوزاری کرد و لە لایەن ساسان عەونی، وەزیری شارەوانی و گەشتوگوزارەوە پێشوازیی لێ کرا.

لە کۆبوونەوەیەکدا کە ئەمەل جەلال، سەرۆکی دەستەی گەشتوگوزار ئامادەی بوو، باس لە نەخشەڕێگەی نوێی گەشتوگوزار لە وەزارەتی شارەوانی و گەشتوگوزار کرا و بۆ ئەو مەبەستەش بە گرنگی زانی كە هەماهەنگیی زیاتر لە نێوان وەزارەتی شارەوانی و گەشتوگوزار و فەرمانگەی میدیا و زانیاری لەڕووی میدیاییەوە هەبێت.

هەر لە دیدارەکەدا چەند تەوەرەیەکی تری تایبەت بە هەڵمەتێكی نیشتمانی، سەبارەت بە ناساندنی پێگە گەشتیارییەكان و بڵاوكردنەوەی هۆشیاریی گەشتیاری تاووتوێ كران.

سەرۆكی فەرمانگەی میدیای و زانیاری، ئامادەییی هەر جۆرە هەماهەنگی و كاركردنێکی پێكەوەیی لە ڕووی میدیاییەوە دەربڕی، بەتایبەتی لە پرسی بەرهەمهێنانی ڤیدیۆ و پۆستەر و بڵاوكردنەوەی هەواڵ و چالاكی و گرێدانی پەیوەندیی میدیایی لەگەڵ میدیای ناوخۆ و بیانی، بۆ ناساندنی پێگە گەشتیارییەكانی هەرێمی كوردستان.

فەرمانگەى میدیا و زانیاری

error: Content is protected !!
Scroll to Top