ئەمشەو وەزیری دەرەوەی تورکیا دەگاتە هەرێمی کوردستان
![](https://usercontent.one/wp/www.krgaustralia.net/wp-content/uploads/2023/08/localimages/untitled-wwww.jpg64ed03be3f2bd.jpg?center=0.49367088607594939%2C0.49367088607594939&media=1678916050&mode=crop&width=1200&height=630&rnd=133313978320000000)
بڕیارە ئەمشەو هاکان فیدان، وەزیری دەرەوەی تورکیا بگاتە هەولێر و سبەی پێنجشەممە “لەگەڵ سەرۆکوەزیرانی هەرێمی کوردستان کۆببێتەوە”.
دوای سەردانەکەی بۆ بەغدا و کۆبوونەوەی لەگەڵ بەرپرسانی باڵای عیراق، ئەمشەو هاکان فیدان، وەزیری دەرەوەی تورکیا دەگاتە فڕۆکەخانەی نێودەوڵەتیی هەولێر و لەلایەن ڕێبەر ئەحمەد، وەزیری ناوخۆ و سەفین دزەیی، بەرپرسی پەیوەندییەکانی دەرەوە و فەلاح مستەفا، ڕاوێژکاری سەرۆکی هەرێمی کوردستان پێشوازیی لێ دەکرێت.
لە چوارچێوەی سەردانەکەی بۆ هەرێمی کوردستان، ڕۆژی پێنجشەممە وەزیری دەرەوەی تورکیا لەگەڵ مەسرور بارزانی، سەرۆکوەزیرانی هەرێمی کوردستان و بەرپرسانی باڵا، کۆبوونەوە فەرمییەکانی دەست پێ دەکات.